Կկոգնիտիվ կարողությունները տղամարդու եւ կնոջ մոտ

Գաղտնիք չէ, որ դարերի ընթացքում մարդը մտավոր ունակություններ հղկելու կարողություն ունի: Զարմանալին այն է, որ, ինչպես վերջերս իրականացված հետազոտությամբ է պարզվել, կանանց մոտ դա ավելի արագ է ստացվում:

1923-1957թթ. 13 եւրոպական երկրներում ծնված 31 հազար մարդկանց վերագրվող տվյալներն ուսումնասիրելով, գիտնականներն այն եզրահանգման են եկել, որ բարձր կենսապահովման պայմաններում կանայք տղամարդկանցից առաջ են անցել՝ դրվագային հիշողության՝ տարատեսակ դրվագներ հիշելու կարողության տեսանկյունից: Ինչ մաթեմատիկական կարողություններին է վերաբերում, նրանք դեռեւս շարունակում են հետ մնալ տղամարդկանցից, թեեւ այդ տարբերությունն էլ աստիճանաբար կրճատվում է:

Հետազոտության շրջանակում, կենսապահովման պայմանները ՀՆԱ-ի մակարդակով, ինպես նաեւ կյանքի որակով ու երկարատեւությամբ են բնորոշվել, հաղորդում է FoxNews-ը:

«Կենսապահովման պայմանների զարգացման պարագայում թե' տղամարդու, եւ թե' կնոջ մոտ կոգնիտիվ կարողությունների աճ է գրանցվում, թեեւ կնոջ մոտ այն առավել նկատելի է», - նշել են հետազոտության հեղինակները՝ հավելելով, որ զարգացման որոշակի փուլում տարբերություններն, ամենայն հավանականությամբ, աննկատ կդառնան:

Հարցեր, պատասխաններ, մեկնաբանություններ